viva italia

شايفين كيف يا جماعة انو احنا شعب نحس
انه لمن البديهي حتى الثمالة عندما تسأل فلسطينياً ماهو الفريق الاجنبي الذي تشجعه في كأس العالم او بطولة اوروبا،ان يأتي الجواب:ايطاليا
لانو ايطاليا عندما فازت في كاس العالم عام 1982 اهدت الكاس الى منظمة التحرير الفلسطينية
ولا احد يدري من مرددي هذه البديهة الفلسطينية ما الذي دفع ايطاليا الى الاقدام على هذا الفعل الاخرق،ولا حتى انا
ادعي بأني سمعت هذه المقولة مئات مئات المرات-بدون مبالغة
كنت انا ايضاً من مشجعي ايطاليا اليوم في لعبتها امام هولندا والنتيجة (3-0) لصالح هولندا
انا اتخنقت من النتيجة ومن الفريق الايطالي الي لحس الملعب رايح جاي وهولندا عمال تخيطهم يمين وشمال وتلعبهم 10 بلدي
على رأي المأسوف على شبابه محمد دحلان
وانا لي اسبابي الخاصة لتشجيع ايطاليا
اولها هو فيلم العراب،تحفة هوليود الخالدة التي تتحدث عن عائلات المافيا الايطالية "عائلة كورليوني" بأبطالها الرائعون
مارلون براندو،وال باتشينو،وروبرت دينيرو
وثانياً انني من عشاق المكرونة بكل اشكالها وانواعها
وثالثاً عشان لمو اخذة مونيكا بيلوتشي :)
بخاطركم

8 comments:

محض روح said...

ههههههههه
هيه إيطاليا كويسه
يارب تكون بخير
:)

Maria said...

ههه والله وأنا كنت مع إيطاليا لأني بحترم هالشعب صراحة..إله عدة مواقف حلوة..و هيهي بحب المعكرونة..
بس بعد ما شفت لعبهم مبارح غيرت رأيي.
يعني بالأخير هولندا! هولندا!..ونستل روي طبعا!

عـــــــــــــــروبة said...

هسّا أنا وبعترف اني مبحبش الرياضة كلها ، يعني متى بغيّر عن الجزيرة ؟

الجواب :
لما تبلش الأخبار الرياضية ..

المهم ،

مباراة وحيدة اوحدة هي اللي حضرتها ، تبعة كأس العالم الماضي ، وقصة زيدان مع هذا ماتيرازي ، كرّهتني بالايطاليين كلهم

بس بيني وبينكم ، ايطاليا حلوة كتير ، بس مش قبل اسبانيا..

سلام

بخاطرك

محجـــــــوب said...

في مدونتك الكثير الكثير الذي ااعجبني واعجبني جدا....ولكني لم اعرف مالذي قد طلبته مني بالضبط.
اخي العزيز -طبعا ان تفضلت- كل التقدير والتشجيع

watan said...

ممممممم

ماليش بالرياضة ، أو بالاحرى بحب الرياضة لحد ما تصير الشغلة اكبر من فريق المدرسة ببطل احبها

وبحب ايطاليا .. ممكن تاني اكثر بلد اوروبي بحبه ..

عشان سبسطية اكبر الاثار فيها هي اثار رومانية والفترة هاي كانت اكثر فترة ازدهرت فيها .. وبايطاليا برضو كلها اثار رومانية ( لأ يا شيخة) المهم وعشان سبسطية تكرم ايطالياعيون :D

العراب : حضرته بيجي عشر مرات بس لأفهم شو السر الي مخلي كل الشباب يعشقوا لهالدرجة .. وما كان يطلع معي الجواب ( ممكن لأني بكون صرت نايمة قبل ما احضر نصه) .. بس الموسيقى تبعت الفيلم حلوة

المعكرونة : بحبها بس مش قد اختي

المنفي: اشتقت اعلق ع مدونتك

تحياتي

المنفي said...

محض روح
مرحبا بعودتك
................
ماريا
بيضلو الشعب الايطالي متوسطي خصوصا صقلية، عشان هيك بنحسهم قراب منا
اما بالنسبة لهولندا،فالطاحونة الهولندية طحنتهم
...................
عروبة
وانا كمان ما بحب الكورة
غير في كاس العالم وامم اوروربا والدوري الاسباني والانجليزي والايطالي

عقدة الخواجة :)
......................
محجوب
شكرا ع الاطراء وراح قلك في مدونتك شو القصد
.................
وطن

هيك يا وطن بينحكى في حضور فيلم العراب
نمت في نصو؟؟؟؟؟؟؟؟؟؟

ع العموم انا بحضر بوست عن الفيلم وبعدها انا موقن انو راح تتفرجي ع العراب للمرة ال 11
وبدون نوم
..................
تحياتي لكم يا اصدقائي البلوجرز

محمد الكومي said...

اوك

برضه فيفا ايطاليا و اللي بيشجعوا ايطاليا برضه

Maria said...

مبروك فوز هولندا!
:(


عقبال الفرحة الكبيرة