!!!!

اصدقائي الاعزاء
اصبحت اتعثر كثيراً في الاونة الاخيرة،لذا اوصي زوجتي دائماً بازالة اكواب الشاي من الطريق،كما توصيني هي دائماً بالسفر الى دبي والاقامة هناك الى الابد وتحلفني دائماً بأنني سوف البي رغبتها او رغبتنا المشتركة،يسايرها القلق والشك في رغبتي بالسفر الى دبي عندما تجدني اسمع لمرسيل خليفة،رغم ان مرسيل يعيش في فرنسا وليس في غزة
كلمتني امي بالامس قائلة ان الغاز نفذ من البيت،وانها الان تعد الطبيخ لابي على طنجرة الكهرب،ولكن الكهرب قطعت كمان،اصل كان في عملية استشهادية للجهاد الاسلامي متوجهة نحو معبر ايرز الاسرائيلي،ويبدو ان الاستشهادي ضل الطريق ففجر نفسه في مولد الكهرباء المركزي لمنطقة الشمال،الكهرب مقطوعة من 3 ايام
كلفتني الانبوبة نصف ثمنها كي اوصلها الى بيت اهلي،لان السولار غالي رغم ان السيارة كانت تمشي على الزيت،السائق رفض ان يوصلني امام البيت،حملتها وانا اسب والعن اخت السواق على اخت البلد،كانت الانبوبة ثقيلة جدا وانا مش وجه بهدلة،ولكن يبدو انني بالفعل وجه بهدلة، اننا شعب بأكمله وجه بهدلة
بالامس كانت الذكرى الاولى لانقلاب حماس على الحياة الفلسطينية "ارجو ان لا يفهم من كلامي اني فتحاوي" وقد كنت اعددت مقال طويل بمناسبة هذا الحدث،ولكنني حذفته،وذلك لاني بعد ما قرأت المقال احبطت وقلت في نفسي،طز يا شعب الكلام
سأغيب قليلاً

4 comments:

الحلونجي اسماعيل said...

روح على دبي

Maria said...

هية صحيح دبي حتنور..بس مين بده يحميلنا بلادنا إذا طلعتوا؟..

اصمدوا إن الله معكم..
كلما ازداد اللون الأسود..اشتد الأمل لأن الآتي هو الفرج.

الله معكم يا أهل الصمود

تحياتي

المنفي said...

اوكي يا ماريا
تعالي انتي عيشي بغزة وانا مكانك بروح اعيش في دبي
ومن دبي راح اسطلك شعارات من هذا القبيل
اصمدوا ورابطوا وجاهدو وعيشوا في سجن كبير تجت عصي التنفيذية الحمساوية من غير غاز ولا سولار ولا خبز ولا حياةبني آدمين

وان الله معكم

Maria said...

عزيزي المنفي..إذا انتوا متضايقين من هالعيشة فنحنا مقتولين من هالغربة..انت عارف لو بصحلنا نرجع كان ما ضل إلا القليل بالغربة..بس شو بإيدنا نعمل..
أنا عاذرتك.. إحكي اللي بدك ياه علينا معو حق واحد مظلوم ومقهور ومعصب ومش طايق هالعيشة يحكي هيك حكي..

وأكيد رح تقولي نحنا شاطرين بالحكي لأنا بعاد ومش حاسين فيكم لأن ما جربنا وعشنا متلكم..أنا عارفة قديش إنها صعبة ومتابعة أوضاعكم من الشعب نفسه..بس والله انه ما بمرق يوم بننسى فيه بلدنا وأهلنا وإخوانا هناك..

برجع بقول الله ينتقم من اللي كانوا السبب ويصبركم ويفرج عنكم يا رب..