حدث ذات مرة في عين شمس


للشعوب ذاكرتها الجماعية, ووعيها الجماعي وخريطتها الادراكية المشتركة،الوعي الجماعي هو فضاء رحب تتراص في الاحداث والنوائب والقناعات والصور ولكن هذه الذاكرة الجماعية في كثير من الاحيان بالضرورة تعاني من القصور وسطوة الصورة النمطية عليها
كالذاكرة الجماعية للشعب الفلسطيني والعربي عموما الحافلة بالخيبات والهزائم المتلاحقة والفشل الذريع في كل المشاريع الاممية من الوحدة الى التحرير الى التنمية
عندما غادرت مصر سنة 1994 عائدا الي وطني فلسطين/غزة لم تشأ الاقدار برجوعي الا بعد 8 سنوات قضيتهما في قصة نفي واغتراب وحنين وانفصام شديد واعادة بناء لمعتقداتي وافكاري وادراكي الحسي
للرجوع غواية لا يدركها الا من تذوق حلاوة الوصل بعد الخصام الطويل والحديث عنه حديث ذو شجون لا يتسع المقال له
كان ليا صاحب انتيخ زميل دكة واحدة في مدرسة عين شمس الثانوية ورغم صداقتنا المتينة الا انو طبعا احيانا كنا نتخانق وكان اول ما نتخانتق يقولي على طول
يلا من هنا يا فلسطيني يا لاجيء يلي بعتو اراضيكو و يلي السادات قلكو تعالو معايا وانتو مرضيتوش
تفتكرو محمد جاب الكلام ده منين؟؟
هاي القناعة منتشرة جدا وسط الشعب المصري،و محفورة في الذاكرة الجماعية والوعي الجماعي للشعب وتتناقلها الاجيال
وللموضوعية انا مسمعتش الكلام ده من محمد بس برضو اذكر زميل ليا اسمو طارق ردد نفس المقولة واذكر ايضا استاذ عبد المنعم جارنا وعم سيد صاحب العمارة الي كنا فيها ولفيف من اصدقائي
من سنة ونص فاتو كنت على كورنيش النيل قاعدين مع كم شاب نوبي وعمالين يغنو اغاني لمحمد منير حتى اغنية يا عندية حوروها ل يا عيلة وسخة
بعد ما خلصت وصلة الغنا قمت اشتري كباية حلبسة وخليت الراجل يتوصى بالشطة لقيت شابين صغيرين قلت اما احتسي الحلبسة معاهم وندردش شوية اتعرفنا على بعض ومصدقوش اني فلسطيني لاتقاني اللهجة المصرية كانو صغيرين مخلصين ثانوية عامة جديد جرجرتهم في الكلام وسئلتهم عن فلسطين،واحد معلقش خالص والتاني قلي
مش السادات كان عايز يحررها ليكم وانتو مرضيتوش باين ...هنا رواية اخرى اشد وطأة من سابقتها
وتاني يوم كان لي قعدة مع ابو النجوم الفاجومي في دار ميريت للنشر وسط البلد وسئلتو عن مصدر هالقناعة وكيف انتشرت وسط الناس انتشار النار في الهشيم وملقيتش عندو اجابة شافية وانا اوعزت ده لانو ما اعتقد انو خالط في حياتو واحد بدرجة غباء صاحبي محمد
انا بقا بكون جرجرجرجررر من غبائو المستفحل ومن شدة صفاقة هالمقولة طب ارد عليه اقولو ايه الحمار ده وكنت غالبا ما اني اضطر اصالحو عشان افهمو يا ابني مش كده مش ده الي حصل احنا مبعناش اراضينا والسادات لما قلنا تعالو في كامب ديفيد مكانش ينفع نروح واستفيض بقا في الشرح هو في الاخر كان بيصالحني بس على مضض و طبعا مكانش عندو استعداد يصدق اي حاجة من التخريف الي انا كنت بخرفو لانو في كل مرة نتخانق كان يقلي نفس الكلام
تروح الايام وتيجي الايام ونفترق ومحمد يخش كلية الحقوق ويبقى محامي قد الدنيا وملو هدومو وانزل انا مصر زيارة ونتقابل
قاعدين بقا على القهوة في منشية التحرير نسترجع الذكريات وكل واحد يقول للتاني الي حصلو في مدة الغياب الجامدة دي وكان بالتأكيد لابد من السؤال التقليدي الذي كنت انتظره بفارغ الصبر
عاملين ايه ياد في الحرب الي دايرة عندكو هناك؟
نمت داخلي على الفور همة عظيمة وفرحة طفولية للاجابة
وده لان الاجابة تنطوي على لعبة ممتعة جدا عافر الفلسطيني مراراً لاتقانها الا وهي لعب دور الضحية ولا اقول هنا لعب من باب التظاهر لانه فعلا ضحية ولكن اليهودي صارعه كثيرا على هذا الدور في ذاكرة الرأي العام العالمي وقد استأثر كثيرا بهذا الدور حتى اتت انتفاضة الاقصى عام 2000 والتي كانت مصاحبة للطفرة الاعلامية والتي ساهمت كثيرا في بروز الفلسطيني كضحية وكأرهابي في ان واحد
انا بقا موفرتوش...اديتهملو قصف وقتل ودم واجتياحات يومية ومحمد الدرة وايمان حجو وشهدا وبلاوي
كنت زابط الدور ع الاخر مكانش ناقص غير اني اترمي قدامو وادلق على قميصي كباية كركديه كأنو دم زي ما بيحصل في المسلسلات المصرية من الاخر قطعت قلبو شحتفتو
كان تعابير وشو حادة وتنم عن غضب وسخط شديد ممزوج بشفقة ولهفة والتياع،محمد من النوع المسالم بس حسيت للحظة انو هيقوم يقلب الترابيزة على دماغي ويشوط في كل القاعدين ويخرج بمظاهرة متوجها للسفارة الاسرائيلية ، فانا بقا حسيت اني تقلت العيار شديت ناعم شوية وقلت بس برضو ادينا عايشين وربنا معانا ومن الكلام ده و طلبتلو بسرعة واحد زبادي فواكه عشان يهدي اعصابو ولانو بيعز قوي زبادي فواكه ده
طلع من جيبو علبة سجاير مارلبورو ابيض وولع سيجارة
مش ممكن محمد المعفن الي كنا نخمس سوا في سيجارة كليوباترا بيدخن مارلبورو وابيض كمان
قلت بقا دا محمد اتغير خالص وبقا حاجة تانية ودماغو نضفت محامي بقا وبيخالط علية القوم من المحامين والقضاة من اهل الفقه والقانون وبعد ما شد كم نفس جامد من السيجارة وهدي وخلص كباية الزبادي فواكه بتاعتو
انبرى واعدل من مجلسه كفيلسوف عازم على طرح نظريتة الفلسفية في الكون وفي الوجود وقال
بس الحق عليكو برضو مهو انتو الي بعتو اراضيكو من زمان والسادات قلكو تعالو وانتو مرضيتوش
:-) بس خلاص

2 comments:

فارس عبدالفتاح said...

بص يا اخ منفي

معظم الشعب المصري يردد هذه الكلمات وكلمات اخري مثل ان السادات كان فارش علم فلسطين على التربيظة بتاعت المفوضات ولو صحت هذه المقوله فهذه مصيبه لما مصيبه لانه اعطا العالم العربي والاسلامي وفلسطين بالاخص للاسرائيلين

ولم ياخذ شيئ يعني الشعب المصري مقابل هذا كله


يا اخي الكريم الفلسطيني العربي

اقول لك كلمه يعرفه من يفهمها كل اصحاب الفكر القومي والفكر الاسلامي الجهادي من المصريي والمسلمين العرب والمسلمين العجم يرفضون هذه المعاهدة

التى هي بمسابت خيانه للمصرين اولا ثم العرب والمصيبة انها ايضا تخون المسلمين من مشارق الارض الى مغاربها


الناصرية والبعثية وكل الافكار القومي لم تنفذ سياسيا بطريق صحيحة فى حكم الدول العربية التى نفذتها


عبدالناصر ضرب ضربه لم يتوقعه من اسرائيل او امريكا فى 67 بعد ما تخيل انه هذم اسرائيل وفرنسا وانجلتري فى العدوان الثلاثي


فضرب ضربه هذت اركان الفكر الناصري فى الوطن العربي ولكن كان هناك امل عند عبدالناصر ان يستعيد الاراضي العربية التى اخذت فى67 بحرب استنذاف وبعدها حرب شامله على اسرائيل كما حدث

ولكن عبد الناصر لم يكن له ان يضع حل مع اسرائيل الا اذا توافقت مع الفكر القومي والاسلامي ستقول لي ان عبدالناصر زبح الاسلامين فى مصر

اقول لك نعم ولكن الهدف كان ترسيخ الفكر القومي وتامين النظام الناصري

وليس فكر الحرب على الارهاب


اما الكلب ابن الكلب الفلاح ابن الفلاح اول مشاف العظمة طلع يجري عليها

عزبه فى امريكا ومشعارف كام مليون مساعدات وقمح

واخيرا اقول كلمة هي حقيقة لا شك فيه

الشعب المصري بعد موت عبدالناصر تم له عملية غسيل مخ من من فكر عبدالناصر وترسيخ فكر الخيانه السادتيه

وتطلع الاشاعات ان عبدالناصر كان عميل للامريكان وان كان وكان وفيه وعليه


ده كله عمله السادات والفلاحين بتوع بحري الكلاب ولد الكلاب

بس لو انقلب جميع الناس الى كناسين وأرادو ان يثيرو الغبار على السماء لظلت السما هيه السماء ضاحكة السن بسامت المحيا وهل يضر السحاب نبح الكلاب


السادات خائن وعميل وجسوس وتريخه يثبت هذا بالدليل

كانت يتجسس على انجلتري والعرب معن لصالح الالمان وتم عزلة من الجيش وبعد ذلك باس على ايد الملك عشان يعفو عنه وتم العفو



اخي انك عشت فى مصر مصر تنقصم من قديم الاذل الى اقلمين رئيسيين هما الشمال والجنوب الصعيد والفلاحين وجه بحري


لقد اثرت الاحتلالت فى الفلاحين وتغيرت عاداتهم وتقاليدهم المصريه

ام الصعيد هم فى حمات هذه الدولة وهم اصحاب المجد فى الزمان الغابر وفى المستقبل انشاء الله

محض روح said...

فعلا يامنفى
ديه مقوله الكل بيقولها
وانا سمعتها كتير ابل وفعلا السادات كان بيقول لياسر عرفات تعالى علشان نعمل معاهده سلام لانه كان شايف ان السلام هو الحل الوحيد بعد الى حصل
بس الاسف اتهموه انه خاين وعميل وكلهم قطعوه
والمشكله ديما اننا بنيجى نحمل شعب بالكامل مسؤليه شخص يمكن كان رقراره صح او غلط الله اعلم
كامب ديفيد اصلا فيها بلاوي
وانا بحزن بجد لما بسمع الكلام ده
الى حصل حصل بس ديما احنا بنتفنن تحميل المسؤليه للى قدمنا
يمكن ده بجد بقى نابع من احسسنا بالعجز تجاه الى بيحصل عندكم فبناحول نقنع نفسنا انكم السبب
ومش هننكر ان فيه ناس كانو سبب فى الى حصل والى بيحصل دلوقتى

انته كتبت ابل كده على مشعل
وفاهم قصدى
المهم ربنا يزيح عنك كل شر يارب
ونصلى كلنا فى الاقصى